وحید موسوی خوشال خوت

مه سراپا زخمه لارم تو چته خوشال خوت
مه کج اومائه د کارم تو چته خوشال خوت
مه شویا خواووم نموره شو و روزم یکیین
چی بایه قوشه بیارم تو چته خوشال خوت
تو سراو تیزخونی هایی د مینجا کوکلا
مه شورآوم شوره زارم نو چته خوشال خوت
شو د برف آلورئه دورم دس پتی گیرم د کوه
مه اسیر گرگ هارم تو چته خوشال خوت
گشتم و جایی نویی سیم قورسو وه قورسو
مه یه مرده بی مزارم تو چته خوشال خوت
تو چته خوشال خوت